Pivotal (Nord Mot Nord)

I helga fekk eg oppleve noko ganske så rått. Hardcoreorkesteret Nord Mot Nord tok turen til Abelone i Oslo, og saman med Grant The Sun reiv dei ned heile bygget. Om ein ser vekk ifrå litt dårleg vokallyd var det rett og slett full pott i trynefaktor - men det var ikkje berre på grunn av sjølve konsertane.

Nord Mot Nord frå Svolvær er eit hardcoreband som har gått meg hus forbi, heilt fram til førre fredag. No er eg blitt skikkeleg, skikkeleg fan. Eg endte faktisk opp med å finne dei fram på Spotify og headbange meg heile vegen frå sentrum til der eg budde, og skremte nok fleire folk på vegen.  Men iallefall. Etter gigen fekk eg teke ein solid prat med bandet, noko som blant anna endte i at eg fekk lov til å køyre internettpremiere på ein skikkeleg feit dokumentar, kalla "Pivotal". Denne viste dei altså før gigen på Abelone med overhead på murveggen - meir punk blir det ikkje. 

Uansett. Eg treng eigentleg ikkje sei meir, anna enn at du må sjekke ut dei og dokumentaren vokalist Carl Christian Lein Størmer sat saman om bandet og gitarist / Lofoten hardcore main man Peter Rasmussen med ein einaste gong. Spotifylink og bandcamp ligg under dokumentaren. Kos deg!

Patrick Fardal