RISE ABOVE - Time — Evig Lyttar

2017 var sist gong me høyrte frå dette orkesteret. Det har faktisk gått så lang tid at eg vurderte å skriva ein sånn “kor i alle dagar har RISE ABOVE blitt av?!”-tekst som vår skribent Åsmund har gjort nokre gonger no, riktignok med andre band. Men endeleg kom det!

RISE ABOVE slapp jo den knalltøffe EPen Sounds of Liberation i 2016. Den bautaen der er framleis noko av det tøffaste eg har høyrt, så den held seg godt!

“Time” er den første smakebiten frå fullengdaren Times of Clarity, som kjem ut den 26.august. Premiere på musikkvideoen ligg nederst i saka.

Ein ting eg kan lova deg er at bandet er like fengjande og hardtslåande som før - om ikkje meir. Refrenget er dritbra. Riffinga er rå og vokalen er endå betre enn den var (den var allereie knallsterk i 2016 liksom). Du høyrer tydeleg at dette er RISE ABOVE. Dette har eg sakna!

“Time” er ein nydeleg forsmak på det som kjem. Eg ser verkeleg fram til plata!

Sjølv kallar bandet Times of Clarity for ein 14-spors apokalyptisk koloss, så det lovar jo absolutt godt!

Sjekk ut nettsida deira her: riseabovehc.com

Få med deg musikkvideo-premieren på låta “Time” nedanfor:

Patrick Fardal