Rick Ashtray med solid låtpremiere

Skitne gitarar, Bob Dylan-ish vokal og skurrete trommer. Dette er nokre av stikkorda frå Rick Ashtray sin nyaste låt "One Of These Nites". Black Pop Records (Jansen Plateproduksjon) er labelen bak dette bandet, og eg har likt omlag alt av det dei har gitt ut så langt (BPR er ganske nytt), så dette lovar godt. 

Rick Ashtray veit å laga ein god miks mellom det eg vel å kalla powerpop og garagerock, og det er akkurat nok fengjande til at eg blir sittande å nikka med hovudet. I tillegg er vokalen ganske feit på denne låta, den minnar meg veldig om Bob Dylan i starten - dette er sjølvsagt berre positivt. 

Bandet hadde UK-premiere på låta den 1.august, og du får den eksklusivt hjå oss i dag! Noregs-premiere altså. Bra greier! Finn deg ein iskald øl og trykk play nedanfor!

-Patrick Fardal