Avast - Mother Culture // Låtpremiere

Dark Essence Records

Det er haust. Det byrjar å bli litt kjøligare i lufta og dei grøne fargane frå sommaren forvitrar sakte men sikkert. Då passar det med ein solid dose blackgaze og post-black metal, ikkje sant? Stavangers eigne AVAST har akkurat det du treng. "Mother Culture" er tittelsporet og den første smakebiten på den komande plata som treff hyllene den 26.oktober. Låta gir deg alt frå knallsterke trommer til heimsøkande riffing og ein brutal vokal - i tillegg til nokre knakande fine, rolege parti - akkurat slik me likar det i post-black metal. Eg får litt Deafheaven og Svalbard vibber her, men AVAST klarar å stå heilt på eigne bein. 

I følgje gitarist Trond Salte handlar låta om sivilisasjonens start og slutt, eller "rise and fall" om du vil. Menneska har utnytta og brukt jordas ressurser til den grad at me no står ovanfor vår eigen utryddelse. 

Viktig bodskap! Sjekk ut premieren på låta "Mother Culture" nedanfor:

Patrick Fardal