Nord Mot Nord: Nordnorsk Separatisme No! (Låtpremiere)
Det er ikkje til å stikke under ein stol at eg har store fanboy-tendenser når det er snakk om Nord Mot Nord. Eg såg dei for aller første gong i Oslo for ei tid tilbake, og eg var frelst. Bandet slo meg i bakken med ein av dei kraftigaste musikalske knyttnevane eg har opplevd nokon sinne. Sidan den skjebnesvangre kvelden har eg vore svolten på meir, og no er det dags!
Difor var det ikkje vanskeleg å klaska til med ein liten låtpremiere (ikkje eksklusivt) når dei no er på plass med ny låt. “Nordnorsk Separatisme No!” kjem ut på fredag, men du kan blant anna sjekka den ut hjå oss nedanfor.
Det er også verdt å nemne at Nord Mot Nord bidrog med låta “Hørte det på radioen”på 2019: Pønk i Norge, saman med ein haug andre råfeite band (eg kjem til å skriva eit innlegg om den samleplata så fort eg kan).
“‘Nordnorsk Separatisme No!’ er et et ‘call to action’. Et overtydelig signal om at nok er nok hva overformynderi nedifra sør gjelder. Det er lyden av den forbanna, forbitra, forsmådde, forrådde og skjitsure nordlendingen som har sett seg dritt lei på sentrale makters behandling av vår stolte landsdel gjennom allverdens tider, sist manifisert i den totalt hodeløse fylkessammenslåinga! Med oss på låta har vi Emily (9), som synger flætta av alle andre!”
Klar beskjed der altså. Sjekk ut låta nedanfor.
Patrick Fardal