scoreboard på TÆPS 10.8

Kjære folk! På laurdag skjedde det noko fint på TÆPS. Bandet scoreboard tok turen for å mate eit sultefora Fredrikstad på Shoegaze! Jaggu meg på tide at me fekk litt av den sjangeren til plankebyen.

Klokka 16 blei bandet sluppe laus på scena, og ein vegg av varm, deilig lyd møtte publikum - fleire blei ståande, mange sat og kosa seg. Vokalen var draumande og nydeleg, gitaren ga publikum varme klemmar i form av storslått riffing, trommene triksa seg gjennom med stødige slag, og bassen pynta heilt perfekt på det heile. Pakken blei ein av dei beste konsertane eg har vore på i nyare tid. Miksen var strålande og lysshowet var perfekt. Det må også seiast at vokalist Astrid tok skikkeleg godt vare på publikum mellom slaga, med både humor og oppkøyring til låtane.

Eg gleder meg til neste gong allereie! Følg med på dette bandet, folkens. Ryktene seier at dei skal i studio i september!

Denne kvelden tok også fotograf Max Lærum @max_larum (www.larumfoto.no) turen for å knipse nokre botnsolide bilete av konserten. Me har fått lov til å dela eit album med dykk - du kan faktisk høyre shoegazen når du ser på dette. Eg elsker det!

(Alle foto: Max Lærum)

Tusen takk til Astrid, Mikkel, Emil & Christian for eit strålande sett. Dette trengte me! Gi meg meir. Mykje meir!

Patrick Fardal