Evig Lyttar anbefalar: Ormskrik - "Eternal Moonlight"

Om det er eit band eg hugsar ekstra godt frå Tunghørt-festivalen 2016 lyt det vere Ormskrik. Eg hugsar livesettet deira som ein eksplosjon av rein energi, riff og ein vokalist i bar overkropp som godt kunne ha steppa rett inn i Purified In Blood. Alt klaffa på denne giggen, og no er dei endeleg ute med singel. "Eternal Moonlight" er noko du berre skal sjekke ut, du har ikkje noko val. Kvalitetsmusikk!! Forutanom at slutten er så episk at håra reiser seg i nakken, får du også servert ein knallsterk vokal, råe gitarar og slagkraftige trommer. I tillegg likar eg den subtile bassen som leikar seg i bakgrunnen, perfekt plassert mellom resten. Litt blackmetal, litt vikingmetal og ein god dose thrash med ein handfull brysthår og testosteron!

-Patrick K Fardal