Astmatisk Gapskratt - Reis Dæ Opp

Det er ikkje feil med ein god dose pønk, og i dag er det Steinkjer-bandet Astmatisk Gapskratt som serverer deg ein skikkeleg knyttneve rett i pleksus. Bandet har dreve på ei stund, men no er dei jaggu meg klare med singel og konsert! Låta "Reis Dæ Opp" sparkar både her og der, og det er vanskeleg å sitte stille når ein høyrer denne eksplosjonen av ei pønkelåt - "Ikkje pokker om du skal late deg på sofaen, du skal søren meg reise deg opp og gjere noko med livet ditt!"

Uansett, eg vil råda alle som har moglegheit til å ta turen på Rockefeller den 7.januar! Der blir det diska opp med ein skikkeleg pønkefest, med Astmatisk Gapskratt, Rotvelt, Anti-Lam Front og Laarhöne! Dette er noko du absolutt ikkje vil gå glipp av.

Sjekk ut "Reis Dæ Opp" nedanfor!

-Patrick K Fardal