Feral Nature - Ex Nihilo

Mange av dykk har nok fått med seg dette beistet av eit band dukka opp her og der i den norske undergrunnsscena. Når eg skriv beist, så er det akkurat dette eg meiner. Dette er like bra som det er brutalt - eit av dei meir spennande banda eg har vore borti på ei stund - og mektig som fy. Du har allereie fått servert “Unleash” frå før, og “Deja Vecu” med Barren Womb-Timo og Tony som gjester var den første smakebiten frå EPen Rituals. No er det klart for “Ex Nihilo”. Heldige er Evig Lyttar som får køyra premiere på dette seige, primitive og nydelege monsteret av ei låt, med gjesteopptreden frå Siri Vestby - tidlegare Dwaal-medlem.

Gled deg til EPen kjem ut i slutten av november - då blir det kalas. No skal du berre lena deg tilbake og høyra!

Patrick Fardal