Den Ultimate Norske Godteposen!

Det er ikkje til å stikke under ein stol at eg likar å mekke spelelister - eg har laga mange i mi tid. Men denne tok form etter eg hadde skreve ferdig juni-favorittane mine. Eg starta med dei og bygde berre på. Til slutt blei eg sittande. Alle låtar er valt med omhu, og nokre band har fått fleire låtar enn andre med på lista, men sånn vil det alltid vere. 

Dette er ein miks av heilt rykande ferske tunes og støvete, gamle låtar, med alt mogleg imellom. Det er alt frå hiphop til svartmetall, frå crust til pop, frå punk til hardcore, frå elektronika til doom og stoner. Så det burde jaggu vere noko for alle her!

Poenget er at alt er frå Noreg. Det eg vil du skal gjere er følgjande: Sett denne på shuffle og høyr gjennom det du kan, og kom med tilbakemeldingar i kommentarfeltet! Ser du noko som manglar? gi beskjed, så fiksar me. Dette skal bli den ultimate norske spelelista!! For all del, gjerne abboner på den. då blir eg glad. I tillegg får du då med deg nye låtar som blir lagt til!

-Patrick Fardal

Full feststemning i Bokassas nyaste musikkvideo

Bokassa er på ferde atter ein gong med ein blodfersk musikkvideo! Filma frå releasekonserten deira (til debutplata Divide & Conquer) på Austmann Bryggeri i Trondheim den 1. april. Dei hadde også ein eigen NeIPA til kalaset! Betre blir det vel ikkje? Du kan lett sjå at både band og publikum hadde det kjekt, og med ei låt som "Crocsodile Dundee" er det ikkje vanskeleg å la seg riva med. Det refrenget er jo som støypt for liveshow og allsang!

Musikkvideoen er filma av Espen Skagen og Trym Gulla Dyrnes, sistnemnte er også regissøren.

-Patrick Fardal